find me on facebook
Poocha tha ek sawaal kisi se..
anuttarit hi reh gya..
sawaal ek gubaar banke..
hawa me kahin beh gaya...!!
taakta yun unka chehra..
intzaar karte thak gaya..
sawaal taash k patton sa..
sarzameen pe deh gaya..!!
sawaal jo sawaal k hi..
sawaal pe jab lag gaya..
sawaal ek jasbaat banke..
apni haqeekat keh gaya..!!
channd khushiyon ki dagar thi..
haseen yeh khushiyaan magar thi..
sawaal un khushiyon ko cheen kar..
abhishaap banke reh gaya..!!
karaahti kadvahtein hain..
chubhtin si yeh baarishein hain..
sawaal fir fariyaad banke..
jhootha dilasa de gaya..!!
dil jo toota, haqq bhi chhoota..
vishwaas bhi kuch uth sa gya tha..
sawaal ek vishwaas banke..
sare gamon ko seh gaya..!!
gunjaishon se jhoojta, mann ka..
malaal ban ke reh gaya..!
astitva ko khhojta, dil ka..
khyaal ban ke reh gaya..!
pal pal chubhe jo seene me woh..
kartaal banke reh gaya..!
sawaal jawaab ki talash me..
ek sawaal ban ke reh gaya..!!
